網民熱話：女子車廂鯨吞炒麵　網民：香港人悲歌...

「你都好誇張，不如打邊爐吖？」港鐵車廂嚴禁飲食，但有自私乘客無視規例。昨晚（5日）有網民上載一段女子在港鐵車廂內進食片段，片中可見她拿着自製飯盒狼吞虎嚥將麵食吞下的模樣，網民見狀竟罕有地沒有斥責之意，反而大表同情。

網民 Amy Lee 在 Facebook 群組「香港花生友」上載乘客在車廂進食的影片。片中可見該名女子穿着紅色似是制服的連身裙，配上深灰色外套坐於4人座位上，即場食用相信是自製的飯盒。女子旁若無人地將麵條塞進口中，隨即又夾起一塊豬扒。其狼吞虎嚥的樣子，令 Amy Lee 留言稱，「自家製豬扒面(麵)最好食，大家話係唔係呀？」惟車廂內其他乘客，未有就女子行為上前阻止。估計對車廂進食一事早已司空見慣。

雖然在車廂進食的確有違港鐵附例，但不少網民似乎因為女子的「餓相」而大表同情，更勸拍片者「隻眼開隻眼閉」，「其實啲味唔大到影響人，咪當睇唔到囉！」「坐佢隔離嗰2位都冇出聲，你嘈咩？」有網民猜測女子工作繁忙，只好趁坐車的空檔「醫肚」，「根本就係香港社會悲歌，得番交通時間可以食少少嘢」。

網民有話說：

Point Singular：對方冇影響到人，冇整污糟地方的話，關人X事咩？

Hsse Leong：算啦，有邊個想喺地鐵開餐？

Kenny Wong：係唔啱，但背後總有故事，有時係咪真係乜都放上網公審就好呢？

※緊貼網民熱話，掌握最熱話題，請關注網民熱話fb：