好奇大晒？港媽嗌開輪椅升降台　全因仔女想玩吓

不少商場均設有輪椅升降台，供有需要人士使用。惟近日有港媽竟以小朋友好奇為由，要求商場職員開啟升降台供他們玩耍，職員拒絕後更反遭港媽狂鬧。

有任職客戶服務員的網民於Facebook專頁「西客之道 HIspitality Secret」投稿，指商場平日會鎖起輪椅升降台，但近月有港媽帶同兩名小孩前來，聲稱︰「小朋友好奇想玩吓」，要求他開啟升降台，兩名小孩更在旁對他施展「嗲功」。

因輪椅升降台只供輪椅人士使用，他斷然拒絕。惟小孩當場哭鬧扭計，港媽更「開火」斥謂︰「有冇搞錯！小朋友想體驗吓都唔得，叫你開部lift（升降台）都懶」。

不少網民怒斥︰「啲阿媽成日覺得小朋友要體驗就係大晒」、「個老母真係唔X經大腦」、「如果開畀佢，另外啲細路見到又要玩」、「去體驗非洲小朋友生活啦」。

---------------

《港呢啲》：大事小事騎呢事，東網嚴謹選題，輕鬆製作！