你要知：打嗝尷尬到爆點算好？極速止嗝有辦法

有沒有試過，在重要場合或安靜的場所突然打嗝，甚至一發不可收拾？打嗝的聲音不停在喉嚨發出，尷尬非常。其實要防止打嗝或極速止嗝都唔難，不過如果是持續打嗝就不是好事，可能是你身體健康已響起警號，絕對不能忽視。

腸胃及肝臟專科醫生姚志謙指出，打嗝是一種神經反射，雖然生理上打嗝人人都試過，但如果打嗝持續超過48小時，或許是神經系統上的病症。「嗰啲病可能會影響到神經中樞系統，或者同打嗝相關嘅地方，例如神經線、橫膈膜等，有啲可能好嚴重！」當中包括腦部受創、腦膜炎、甚至腦瘤而出現炎症等；身體上的鈉、鉀或鈣太低、腎功能失調、以至肝或腎衰竭，令身體積聚神經毒素，也會令人容易打嗝。

「打嗝嘅過程其實牽涉橫膈膜抽搐，因此有啲病種會影響橫膈膜。」例如腹膜炎、膽囊炎、胰腺炎等，或會令患者橫膈膜下方附近出現膿皰，刺激到橫膈膜而打嗝。至於在橫膈膜上方出現炎症，例如有心包炎、肺炎，也有機會令人持續打嗝。

腸胃差的人也較易打嗝！例如胃脹、飲品食物溫度太高或太低、胃酸倒流等，都有機會刺激到迷走神經。姚解釋，神經反射系統中，其中一條為迷走神經，受着食道、胃、咽喉所影響，當消化系統受刺激，便會打嗝。同時，情緒波動亦有影響。有研究指出，當人情緒低落甚或抑鬱，打嗝機會或會增加。

不過，姚補充：「9成9見到嘅打嗝，都只係生理上嘅變化。」只要不持續超過48小時，就不必太擔心。另外，打嗝出現在初生嬰兒次數亦會較多，「醫學上未知點解，或者同嬰兒神經系統未夠成熟有關。」

為免尷尬，點先可以快速止嗝？方法就是擾亂及刺激打嗝的神經反射系統，包括呼吸系統及迷走神經。擾亂呼吸系統方面，最常見的有飲水和閉氣，刺激及重整呼吸。亦有人會利用膠袋，吸回呼出的二氧化碳，因為當身體發覺氧氣不足時，呼吸會變得急促，有助擾亂呼吸系統，從而停止打嗝。

至於刺激迷走神經，包括在口中含冰粒或糖水，也可以先捏鼻，吸一口氣後閉氣，再谷出一口氣，「好似大力想噴嘢出嚟，想噴又噴唔出，呢個谷嘅過程令呼吸道氣壓增加。」另一個較簡單方法則是先閉眼，雙手輕揉眼球位置。姚也建議了4招簡單方法，讓大家避免打嗝。包括不宜進食過飽、少食多餐、食飽後不要立即躺平及情緒保持平穩。