政Whats噏:前高官踩單車 天降甘霖降溫

2019年03月10日 13:33
東網電視
更多新聞短片
邱誠武(前中)、梁敬國(前左一)和一班現任政治助理踩單車聚會。(互聯網)

雖然話「天下無不散之筵席」,不過運輸及房屋局前副局長邱誠武同埋商務及經濟發展局前副局長梁敬國(Godfrey)等前高官,離開咗政府之後都周不時同埋班舊同事食飯相聚,今日(10日)佢哋兩人就孖住一班舊同僚去踩單車添。

一齊踩單車嘅仲有運房局政治助理符傳富、保安局政治助理劉富生、環境局政治助理區詠芷同埋食物及衞生局政治助理鄭守崗。最近天氣反覆,Godfrey就話朝早起步時冇風雨又冇晴,但踩踩吓就「天降甘霖」,仲由頭濕到落腳趾尾添!雖然天氣唔好,但係可以同朋友聚首一堂,做落湯雞都冇所謂啦。