政Whats噏：多名議員學新嘢　「武吃」烤肉

唔少香港人都鍾意食烤肉，多名立法會議員包括易志明、梁志祥同埋謝偉銓(Tony)最近就喺北京相聚，仲齊齊去咗食烤肉，仲將啲相擺上Facebook。睇真啲，佢哋全部都企晒起身，拎晒長筷子咁食喎，唔通係新食法？

根據Tony嘅講法，呢種食法叫「武吃」，即係企喺度之餘，仲要將一隻腳踩喺櫈上食，而對筷子就成三尺長，用嚟夾枱中間塊鐵板上嘅烤肉。佢話仲有一種叫「文吃」，不過就冇示範係點樣吃法喇！平時香港嘅烤肉店都係坐定定咁食，企喺身踩埋櫈都真係幾新奇，睇見佢哋三人食到豎起晒拇指，相信都好享受喇！