4歲仔能否玩浮潛？港媽fb求意見　遭網民圍插

20190313
  • 東網電視
    更多新聞短片
    4歲小朋友能否玩浮潛？
    一家人去旅行固然開心，但謹記小心安全。近日有港媽向網民請教，遊泰時能否帶4歲小朋友玩浮潛。惟貼文一出，即惹來大批網民炮轟。
    有港媽周一（11日）在Facebook群組「泰旅谷真好玩」發貼，指計劃到芭堤雅旅行及浮潛，向網民請教︰「小朋友4歲可唔可以玩㗎？浮潛裝備係咪自己帶最好」？
    貼文一出，網民反應激烈，批評港媽罔顧小孩安全︰「你唔怕有危險，人哋唔同你怕」、「4歲叫佢游水都驚危險啦」、「冇問題，橫掂個仔唔係我嘅」、「搵個仔條命嚟玩」。
    有網友則認為問題不大︰「其實有啲浮潛岸邊都玩得，小朋友都掂到地」、「4歲係可以着住救生衣玩浮潛㗎！我仔5歲都玩過，當然爸爸媽媽係貼身睇住啦」。
    你哋又點睇呢？
    ---------------
    《港呢啲》：大事小事騎呢事，東網嚴謹選題，輕鬆製作！