網民熱話:1架中港車霸3個泊位 網民嘲「世界級泊車專家」

20190313
東網電視
更多新聞短片
一輛掛上中港牌的私家車在停車場內,竟一口氣佔用3個泊位。(互聯網)
泊車泊得「樣衰」,自然會惹來批評甚至公審,你又看過哪些「樣衰」泊法?網民Sam Ho昨日(12日)在Fb群組「香港交通突發報料區」上載兩張照片,指一輛白色私家車在上環一個停車場,竟然1車霸3個泊位。有網民看過照片後戲謔:「一睇車牌就明點解會咁啦!」
據發文者稱,事發於昨日下午2時許,地點為上環一個多層停車場。從相片可見,一輛掛着中港牌的白色私家車,泊在一個車位,惟其左邊部分車身,卻「過界」到旁邊另一車位。不過此舉仍未算離譜,在另一張相中顯示,該車的車尾亦越線,佔着後方另一車位,由於該車位另一邊有一個柱位,除非車款屬迷你車,否則很難泊入。發文者謂:「係咪要畀3份錢?」
網民看過相片,紛紛留言嘲笑:「有錢就是任性的」、「呢個車場啲位唔細都泊成咁......」「賤人中嘅經典」。有網民則認為,涉事司機是「有心咁泊,唔想其他車泊佢附近,正一自私精中的極品!」有網民笑謂,事件不難理解:「又係中港牌!」
網民有話說
Patrick Tan:唔識泊車唔好買車,好心請個司機啦。
Nelson Tang:有冇鎖佢車呀???
Sonly Tong:真係羨慕佢 ......3個位都係佢㗎...
※緊貼網民熱話,掌握最熱話題,請關注網民熱話fb: