政Whats噏:也曾想過放棄 楊文蔚靠睇片激勵

20190313
東網電視
更多新聞短片
楊文蔚指自己靠睇片克服困難。(陳嘉順攝)
香港跳高女神楊文蔚(Cecilia)經常分享自己小時候嘅百厭事,佢今日(13日)就同中學生講點樣克服困難,秘訣就係睇片睇一個鐘,睇到男友都忍唔住問「你搞乜啊?」
Cecilia今午出席美荷樓香港精神學習計劃講座,同學生分享自己成長故事。佢笑話成日覺得練習好辛苦就想放棄,但其實只係一刻鐘,捱得過就冇事,當真係好想放棄嘅時候,就會睇吓偶像、德國跳高紀錄保持者嘅跳高片,激勵自己,有時男友都會問佢搞乜嘢喎,做埋啲奇怪嘢。
佢再舉例,人人都知要食得健康,依舊有人食快餐漢堡包,所以做人就係每次嘅選擇,好似考DSE做獨立專題報告,完成後列印報告,感覺好似「生咗個仔」咁。熱愛中國文學嘅佢,以詩人余光中一段說話寄語同學,人生好多事如船後浪花,要經過後回望先覺得靚。