政Whats噏：前議員梁劉柔芬入選全球百位女企業家

立法會紡織及製衣界前議員梁劉柔芬獲聯合國嘉許，入選「She Innovates Global Programme」全球100位女性企業家及創新者，表揚佢嘅企業家精神。梁劉柔芬無論喺業界定係社會公職上，都非常關心青少年同婦女事務，強調自己相信知識改變命運，期望年輕人可以藉住潛能發光發亮，貢獻社會。

梁劉柔芬係少數獲選嘅華裔女性之一，佢早於80年代尾開始出任婦女事務相關嘅公職，又促使商界同教育界開創商校合作平台，培育過唔少年輕人。佢認為教育唔單止係學校嘅責任，而係社會上每一個人都需要承擔，仲話自己唔怕困難，會攜手聯繫唔同界別人士支持年輕人。

「She Innovates Global Programme」係由聯合國婦女權能署(UN Women)聯同Global Innovation Coalition for Change(GICC)於2019年啟動，旨在提供平台畀女性可以跨越障礙、爭取性別平等、改變社會上嘅刻板印象。