每日一片：風火輪馬路打橫行　網民：睇住手機想死快啲？

亂過馬路已經危險，還要邊玩手機邊玩風火輪。俗稱風火輪的單輪電動車一向不乏愛好者。昨日(13日)有網民就在大角咀發現一名男子以風火輪代步，在十字路口穿梭外，飛馳期更大玩手機，完全無視路面情況。片段在網上流傳後，該名男子迅速被街坊起底，直指他是區內名人，不時騎着風火輪在馬路橫行，非常牙煙。

現場是大角咀海輝道，上網片段Tsang Siu Ling貼文形容，「馬路炸彈，請駕駛人士及過馬路朋友小心」。片段開始，該名一身上班族打扮的男子一手持公事包，另一手持手機，以大斜角角度從十字路口越過多條行車線過馬路。片段可見，男子似乎完全無視路面狀況，在過馬路期間，只望着手機。

片段上載網上後，男子迅速被「人肉起底」，有街坊形容他是區內名人，經常見他用風火輪代步亂過馬路，「梗有次會見報！條友成日咁片來片去！」、「我都見過一次，佢又係踏住呢架電玩穿越呢條馬路，當時佢仲夾住兩條卷紙」、「 剛剛塘尾道見到佢...啲車都怕咗佢」。網民議論紛紛，發文者事後亦補充：「其實我已經見過佢幾次咁樣踩住部車，打斜連過三條馬路，好離譜，今次停喺燈位，我先拍到佢片， 佢離譜到拎住部手機睇緊，連路都唔使睇，當時好多小學生放學過緊馬路睇住佢表演。」