你要知:打工仔帶飯有秘技 嚴守隔夜餸菜保存法則
20190315
東網電視
更多新聞短片
保存飯盒有辦法,學識就唔驚食到肚屙啦!
好多打工仔為求慳家,都會帶飯返工,但保存不當食完可能會屙嘔肚痛,究竟要點處理隔夜餸菜最穩陣?其實隔夜飯菜都有正確保存方法,仲有啲食物特別容易孳生細菌,唔適宜擺過夜做飯盒,如果唔想肚屙,就要掌握營養師陳筠霖(Krista)教大家的餸菜保存法則!
餸菜2小時內要入雪櫃
當食物還是熱的時候放到雪櫃,會干擾雪櫃本身的低溫環境,令其他食物容易變壞;相反如果將食物在室溫放得太耐,又有機會孳生細菌。「大槪1至2個鐘頭就要擺入雪櫃,最好用啲密實器皿去保存。」另外亦可將食物放在碟上,用保鮮紙封好,減低食物與空氣接觸,避免細菌孳生。而隔夜餸最好兩日內吃完。打工仔帶飯回公司亦有技巧,「好多人返工都會帶飯盒,起身喺雪櫃拎出嚟嘅時候,應該先放入保溫袋,保持飯盒低溫狀態,到公司再放入雪櫃,避免飯盒變壞。」
半生熟食物不宜做飯盒
擺放飯盒時亦要留意,太多餸汁的餸菜不宜與其他食物放在一起,因為餸汁含有高水分,容易令細菌孳生,「如果Pack飯盒嘅時候,將有餸汁嘅食物同白飯擺埋一齊,有機會令白飯有細菌感染,建議都係分開嚟放。」此外,半生熟甚至未熟透的食材亦要小心處理,例如溫泉蛋、肉扒或雞肉近骨位置可能帶有血水,都會有較高風險,最好煮熟後再放進器皿保存。
邊類器皿對保存食物最好?
帶飯返工當然要再翻熱,飯盒所用器皿應該挑選耐熱物料,「可以揀玻璃或瓷器,除咗物質比較耐用,亦都襟翻熱,都有人用膠盒,但要留意係咪可以翻熱或寫明係適用於微波爐用嘅物料。」
翻熱愈耐愈安全?
當大家進食隔夜餸時都要徹底翻熱,不論蒸熱或叮熱與否,要確保飯盒完全熱透方可進食。不過別以為翻熱愈耐愈好。Krista指:「用微波爐翻熱時,時間太長會令食物質感改變,最好使用微波爐上翻熱飯盒功能,時間上可選1至2分鐘以內。」不少人把隔夜飯盒食剩後,又再放入雪櫃再翻熱,其實食物可能已沾上口水,若加上存放環境不理想,再翻熱容易有細菌感染,在此情況還是棄掉較安全。
邊種食物不宜擺隔夜?
沙律始終是未煮熟蔬菜,容易感染沙門氏菌,故最好是即日進食,「如果沙律本身已添上醬汁,由於當中含蛋,甚至牛奶成分,隔夜都食用就要小心啲,要睇清楚有冇變壞先食。」