巴士客投訴車廂冇清潔　九巴「鬧客」反獲激讚？

公關災難定神回覆？近日九龍巴士公司在Facebook專頁宣傳新型巴士，被網民諷刺車廂日常衞生欠佳，惟九巴專頁小編的一句「鬥嘴」，竟吸引逾5000個讚好，到底他說了甚麼？

有網民在九巴專頁留言批評，即使九巴推出新型巴士，亦是「表面風光」︰「新又點？都冇人清潔嘅」。未料九巴小編回覆︰「清潔又點？都無公德心嘅。」、「我哋當然有清潔啦。如果冇清潔，真係不堪設想」。

一眾網友大食花生，有網友質疑︰「公關發晦氣」、「咁答人嘢好不知所謂喎」、「佢係咪入錯帳號嚟回應」。

但不少網民則大撐九巴：「佢講事實」、「垃圾根本就係乘客帶上車」、「10蚊8蚊搭轉車，你想每轉車有人全車抹一次呀」、「都唔明點解啲人唔自己帶走垃圾，垃圾放入垃圾桶原來啲人係唔X識㗎」。

九巴專頁翌日再度開腔回應，指開了「霸氣mode，嚇親大家」，只因每日清潔工友均不辭勞苦地工作，希望大眾能多加體諒，做個有公德心的人，一起愛護車廂。

---------------

《港呢啲》：大事小事騎呢事，東網嚴謹選題，輕鬆製作！