每日一片：超震撼！發泡膠箱橫飛馬路　網民：真正派貨？

在馬路行車總會遇上突發事件，但是否有想過一條公路，一秒間會變成障礙賽場地？近日網上流傳一段片段，就正正有一架貨車，車斗內大批發泡膠箱突然飛出，令路面變得難關重重。

事發於昨日(14日)晚上9時許，據網民Ziven Sit上載至Facebook群組「小心駕駛(討論別人駕駛態度)」的片段可見，當時事主駕車在公路行駛，前面一架載着大批發泡膠箱的貨車疑因載貨不穩，大批發泡膠箱突然倒下，更乘風勢吹向隨後兩條行車線，只見鄰線一架私家車見狀，即時加速及扭軚閃避，至於緊隨貨車之後的事主避無可避下，最後選擇停車，在片末更聽到司機無奈說：「呢架貨車真係呀...」。至於涉事的貨車司機似乎亦察覺闖禍，不過卻沒有選擇停下清理現場，反而加速逃離。

網民狠批貨車司機收買人命，「撞到個發泡膠箱真係會爆玻璃或者撞爛包圍！」「好彩司機夠冷靜」、「樓主EQ高，換轉我一定大叫XXX」。