開槍制犯：疑兇叼住煙持刀衝向超市　嚇煞途人

今午（16日）有持刀男子走入油麻地一超市斬人，被警員開槍制服。據附近一間小食店的程先生表示，事發時見到疑兇拿着一把牛肉刀，在其檔口前快速跑過，形容：「佢高高地、瘦瘦地，着住T恤，白頭髮，有小小長同攣毛，一路跑一路叼住口煙，攞住把刀，全程無講嘢喺度跑」，多名途人被眼前情況嚇怕，來不及反應，與此同時，警方衝鋒車由另一邊街口駛至，數名警員落車狂奔追趕疑兇。程又稱，以他所知，疑兇疑有不良嗜好，在上址一帶活躍多時，會四處留意攤檔錢箱疑有不軌企圖，曾多次到超市偷竊。

另據超市對面肉檔負責人何先生表示，知道疑兇事發前在超市內與人爭執，約10分鐘後，疑兇便拿着一把長刀折返疑找「晦氣」，憶述：「無啦啦一陣風跑過，見到佢拎住把刀衝咗入超市，阿sir撳住個槍袋好快咁追住佢，個男人唔聽指示，入咗去10秒都唔夠就聽到有槍聲」，之後街道四周都傳來警車響號聲，大批警員趕至封鎖現場。何續稱，疑兇瘦削高大，平日精神有異樣，指：「附近嘅店舖都畀佢騷擾過，佢成日睇人哋啲錢兜好似想偷嘢」。