每日一片：巴士站等客阻埋站　的哥不滿被砵施絕招

雖然同是職業司機，但的士司機與巴士車長，總是有無窮無盡的爭拗。昨日（15日）有網民上載一條片段，片中一名的士司機將車停在巴士站，結果被準備埋站的巴士車長響按催促，的士司機兩度輕微褪車後，突然打開尾箱及頭冚，以示壞車。輕微的阻塞，最終演變成「攬抄」，無辜的乘客被迫「觀戰」。

事發於昨晚約9時15分，當時一架九巴沿長沙灣道行駛，至港鐵荔枝角站準備埋站時，在「站尾」位置，遇見一輛的士停下等客。車長響按提示，換來的士輕微移前，車長於是再次響按，的哥見狀，仍然表現得懶懶閒，直至20多秒後，才再次有行動。的哥將車移前數米後，突然落車，先後揭開車尾箱及車頭冚，示意「壞車」，隨後坐回車廂內。

網民看過片段後反應兩極，有人指的士司機行為無賴，阻礙巴士埋站，認為事情發展下去，無可避免是報警，「叫警察嚟幫手睇後，畀巴士倒車走，然後搵拖車拖走部扮壞嘅的士。」亦有人認為車長同樣有責任，「巴士大哥何必呢...又要成車人陪你玩」、「點解唔可以駛去隔籬線埋站？」，不過有網民即時反駁：「（如果）巴士上有輪椅乘客，巴士係要停正先可以落斜板。」