政Whats噏：曾蔭權出獄後　首公開見鬍鬚曾

被裁定一項公職人員行為失當罪罪成嘅前特首曾蔭權爵士，今年1月中刑滿出獄，自此間唔中都有出席公開活動，有讀者報料指今（16日）午目睹曾蔭權同太太曾鮑笑薇參觀西九戲曲中心，陪伴左右係曾蔭權兩名前下屬，即身為主人家嘅西九文化區管理局董事局主席、前政務司司長唐英年（唐唐），以及前財政司司長曾俊華（鬍鬚曾）。

據稱今次係曾蔭權重獲自由後，首次同被視為「真兄弟」嘅曾俊華公開同場現身，據報唐太同鬍鬚曾太太都有出現，唔知曾蔭權、唐唐同鬍鬚曾呢個早年嘅港府最高層組合罕有地聚頭，會否評論吓現屆政府最新施政情況呢？