港鐵撞車：過海的士、巴士站逼爆　乘客：已經驚咗港鐵

港鐵列車測試新信號系統期間近中環站兩列列車相撞，中環至金鐘站服務全日暫停，早上繁忙時間金鐘站人頭湧湧，不少市民在金鐘的士站等候乘坐過海的士。另外，大批市民得知港鐵意外後改乘過海巴士，巴士公司加開班次，多條巴士出現人龍排至港鐵紅磡站內，蛇餅排出四圈，包括途經灣仔、金鐘的104、經銅鑼灣至筲箕灣的102、106號巴士。前往灣仔及中環的301，亦延長早上服務時間。紅磡巴士站亦大排長龍，龍尾一直延至香港體育館，人龍逾400人，港鐵加派職員站在樓梯口指示維持秩序。

前往樹仁大學上課的李同學表示得知事故後已即時轉搭過海巴士，惟巴士站又大排長龍，等候時間較長，遲到1個多小時「應該會miss咗堂」，對此感到無奈。另一乘客羅小姐則對於港鐵屢生事故感到非常失望，指港鐵「不嬲係咁」無任何期望。乘客周先生則稱「唔係一次半次，之前沙中線依家又咁，已經去到不可理喻」。

茅先生今早大埔出發計劃到灣仔上班，原本計劃乘坐東鐵到尖東，轉港鐵過海到灣仔，但出門前得悉港鐵事故，轉至紅磡乘坐104號過海巴士，預計今天至少遲到半小時，「都慣左，港鐵成日發生問題，失望就梗，無架喇，唔會有期望」。

另外，陳小姐由沙田出發，到銅鑼灣上班，今早特別遲出門，以避開人潮，她批評港鐵離譜，質疑為何在上班日前一晚才做測試，「點解唔星期六做，出咗事都無咁大影響」。

另一等候104過海巴的乘客指預計遲20分鐘上班，，「已經驚咗港鐵，成日都壞，而家只會選擇非繁忙時段先搭」。