乘客兩度「麻煩」的哥　結局暖心　網民激讚

香港好司機買少見少？近日就有黑仔乘客搭的士時倒瀉粥，更遺留手機在車內，竟幸運地遇到司機暖心之舉，引來大批網民激讚。

據Facebook群組「To Kwa Wan 土瓜灣之友」的貼文所指，星期一（18日）發貼者攜帶熱粥在土瓜灣乘搭的士上班，惟轉彎時器皿的蓋子飛脫，熱粥灑落在自己腿上，更殃及車內的地氈及座位，「當時已經好驚慌……想幫佢抹番乾淨都抹唔到」。

她抵達目的地後向司機賠罪，欲給予額外的清潔費。未料司機毫不介懷地婉拒，她深感歉意，「最後一番推搪同道歉後，我畀咗張100蚊叫佢唔洗找」，其車資實為26元。

其後她回到公司驚覺手機遺留在的士內︰「呢個驚嚇仲大過一褲都係粥」。她立即打電話，該司機接聽後問︰「係咪頭先倒瀉嘢嗰個，漏低咗個電話？」

當時司機正在翔龍灣的士站洗車，她隨即前往取回手機，司機沒有向她收取任何費用，「仲問我遠唔遠洗唔洗車番我返公司」。她滿心感激︰「好感恩我遇到好似天使一樣嘅司機大哥、人間有愛」。

不少網民稱讚司機︰「祝嗰位良心司機日日財源滾滾來」、「論盡乘客遇上萬中無一好司機」、「少有咁好嘅司機！」

---------------

《港呢啲》：大事小事騎呢事，東網嚴謹選題，輕鬆製作！