政Whats噏:簽名變「瓜」字 陳帆玩弦外之音?

20190319
東網電視
更多新聞短片
陳帆(左)同胡志偉(右)齊齊研究「帆」竟變成「瓜」。(溫國佳攝)
近年港鐵風波一浪接一浪,尋日(18日)仲發生撞車事故,至今都仲未恢復服務。運輸及房屋局局長陳帆今日(19日)同港鐵召開咗緊急董事局會議商討事件,去完之後佢出席一個公開活動時,簽名嗰刻仲將自己個「帆」字,簽到成個「瓜」字咁,唔通有弦外之音?
話說陳帆出席活動時唔止簽名留字,仲畀前民主黨主席劉慧卿(卿姐)捉住問佢港鐵方面搞成點,同埋問佢有冇好消息。陳帆回應時就話唔畀港鐵試車,直到安全為止喎。卿姐同埋民主黨主席、立法會議員胡志偉聽到仲即刻噓佢添。
唔止噓陳帆,胡志偉就留意到陳帆個簽名,仲笑佢個簽名,話「唔怪得你簽名簽到成個瓜字咁啦」。不過,陳帆就解釋話其實係簽名簽到尾時,見到其他民主黨黨員個名,所以先嚇到縮手喎。講就咁講啦,唔知大家信唔信呢?