政Whats噏:被揭揸車撳電話 毛孟靜認衰指心急身體情況

20190320
東網電視
更多新聞短片
毛孟靜邊揸車邊玩電話。(陳嘉順攝/讀者提供)
都市人經常「機不離手」,任何時候都低頭望電話,但如果揸車都係咁就好易出意外,更加係違法。有讀者報料,日前喺跑馬地直擊民主派立法會議員毛孟靜邊揸車邊玩電話,喺佢隔離睇見都覺得牙煙啊!
報料讀者話前日(18日)下午近4時,喺跑馬地黃泥涌道向養和醫院方向揸車途中,發現隔離行車線一架深灰色嘅房車中,毛孟靜邊揸車邊撳電話。根據讀者提供片段,毛喺停車時,雙手攞住電話放喺軚盤上、耳帶耳機、口似係食緊香口膠,氣定神閒咁玩電話,至開車時就佢都冇放低電話,右手控制軚盤,左手繼續攞住電話。
東網經查冊後,確定涉事車輛屬於毛孟靜擁有。佢接受查詢時話,唔記得幾時發生,承認自己有邊揸車邊撳電話,為此表示抱歉,但強調自己「唔係玩電話」而係有緊急事。她透露近來多出入醫院照電腦掃描等,當時誤以為是醫生來電先至睇。
佢之後又向記者問及係咪有帶耳機就代表安全,當得悉法例規定行車時唔可以用手機時,佢再一次稱對唔住,重申自己只是心急想知身體情況。至於有咩唔舒服,佢就話唔方便透露。
根據香港法例,禁止司機喺車輛行駛時使用手提式流動電話,或其他同類無線電通訊設備,違例者最高可被罰款2000港元。