門鐘黐貼紙　同層單位遭殃　網民變偵探競猜

東網電視

相當有嫌疑！

是貪玩還是踩線？近日有人驚覺家門口被貼上「恐怖貼紙」，引來網民瘋狂猜測其背後含意。

有網民周二（19日）晚上在討論區分享事件，指其家中的門鈴右上角牆上被貼上一張Thomas火車頭貼紙，他懷疑︰「唔知係小朋友貪玩定係啲老爆犯嘅新記號方法呢？」

他追查之下發現，同層另有兩個單位的門鈴上方，均貼上同款貼紙，其中一個單位的門鈴更出現蠟筆小新貼紙。

惟門鈴離地約1.4米，故有網民質疑︰「小朋友有咁高貼到咩」、「我覺得小朋友好珍惜自己嘅貼紙，唔會周圍貼」、「貪玩點會黐得咁整齊」。

事件引來大批網民猜測及分析︰「可能兩個人住所以兩個火車頭」、「有張一個火車頭一個小新，即係單親家庭一個細路？」、「小新個樣望X到實，應該係解目標單位」、「火車貼左邊等於日間返工，火車貼右邊等於夜間返工，小新等於有小朋友」。

有人則提醒發貼者要小心︰「真係幾可怕，快啲撕左佢」、「啲賊仔就係用小朋友貼紙等你放低戒心」、「睇埋其他樓層有冇？如果有都可以報定案先」。

有住在九龍城區的網民分享類似經歷︰「上個禮拜我住嗰層有個男人撳晒全條巷嘅門鐘……見到?口有個着西裝嘅人鬼鬼祟祟咁樣好似成層樓踩線」。

---------------

《港呢啲》：大事小事騎呢事，東網嚴謹選題，輕鬆製作！

on.cc東網