7旬校巴司機避車撞欄釀8傷 包括7學童

20190321
東網電視
更多新聞短片
校巴失控撞欄,警員在現場調查。(張開裕攝)
油塘發生交通意外,今午(21日)12時許,一輛載着7名小學生及一名保母的校巴沿油塘里北行上斜,駛至油麗邨盈麗樓對開懷疑失控,撞毀左邊行人路約4.5米長的鐵欄,校巴的左邊車頭亦損毀,車上姓張(58歲)女保母報稱胸痛,其餘7名非華裔學童,包括4男3女(7至12歲)受輕傷。救護員接報趕抵,將部分傷者送院治理,亦有學童由家長安慰並接走。警方封鎖現場,向姓吳(70歲)保母車司機了解當時情況,經初步調查後,將案件列作「交通意外有人受傷-政府財物損毀」,正追查事故原因。
據司機表示,當時載着約15名學童由慈雲山出發,途中已有部分人落車,至事發時為尾站,差約50米便到達目的地,憶述:「當時我駛上去,時速約30公里,但因為路邊泊咗好多車,所以我就行咗另一邊線,見到對頭有車落嚟,我咪駛返埋嚟(原本行車線),唔知點解就撞咗」。他又指,自己有逾30年駕駛經驗,原本任職私人司機,約半年開始轉駕保母車,稱:「本來小學係3點幾放學,呢排考試就放早咗,(意外後)小朋友驚驚哋,無咩事」。
觀塘區議員黎樹濠表示上址經常有車輛違泊,稱:「其實來回線都有違例泊車,啲重型車、大貨車同埋旅遊巴都泊喺度,街坊成日都投訴同報警,警方都有執法,但近日情況愈來愈嚴重,如果有私家車停喺度,兩邊車要讓路先過到,如過係大車停喺度,其他車就唔可以上落。」他解釋,由於油塘區近年人口急增,車位嚴重不足,令車主要冒險違泊,促請有關當局改善相關情況。
另根據運輸署規定,年滿60歲而未滿70歲的駕駛人士,駕駛執照有效期最長為3年;年滿70歲的駕駛人士,續領駕駛執照時,可選擇1年期或3年期,並須於遞交申請前4個月內,由註冊醫生簽發證明申請者適合駕駛的《體格檢驗證明書》。