政Whats噏:何啟明立法會大講「譚仔話」

20190321
東網電視
更多新聞短片
何啟明喺會上大講「譚仔話」。(何量鈞攝)
早前「譚仔話」喺網絡上流行一時,當中用字其實跟香港講開嘅廣東話差唔多,但口音就相當唔同,所以香港人大多都聽得明,同時會覺得好有趣,立法會議員何啟明今日(21日)亦都喺會議上大講「譚仔話」:「淆肉淆演而腐三牲、大辣早狗、渣個Pi蛋、凍茶少田、渣多個炸醬、仲有矛池它輸要呢先生?」唔知坐喺佢對面嘅局長到底聽唔聽得明佢呢?
至於點解講起「譚仔話」,事緣係當時商議緊改革移民及入境政策議案,何就提到香港好多移民人口,佢哋提供咗好多勞動力,好似香港人經常幫襯嘅呢間米線店就係其中之一,所以好多香港人都聽過「譚仔話」。事後何話其實呢啲口音存在已久,只不過近年有人拎嚟講,所以逐漸演變成一種特色咁啫。
何仲笑自己講得唔夠純熟,話如果自己真係喺相關店舖工作,就肯定會畀人炒魷魚!至於發言前佢有冇特登練過,佢就話自己有時落區,例如去到街市都會聽到類似口音,所以唔使特登練都識講少少咁話。