網民熱話：包車收費傾唔掂　港女網上公審的哥「拒載」

的士不按錶收費屬違法行為，若乘客提出包車而不按錶收費，是否算引人犯法？昨日（22日）一名女子與家人想到山上祭祖，於是向的士司機提出「包車」，惟兩者對收費有所爭議，女子憤然指司機「拒載」，最後更報警，誓言要追究到底，「我寧願返工請假去出庭同落口供，都唔會畀呢啲人亂咁嚟」。不過其公審舉動卻得不到網民支持，更指她行徑野蠻。

女事主在 Facebook 群組「Tai Po 大埔」大呻「包車」的不快經歷。她稱當天因上山拜祭，於是與家人在粉嶺雍盛苑附近截的士，並打算以包車或照錶收費形式租車2小時，期間遇到一名的士司機，她形容對方態度惡劣，當她提出「包車」時，對方最初斬釘截鐵拒絕，但之後又開價：「$1000（港元）咪同你去囉」。

女事主認為司機開天殺價，「我即時扯火，『咁你即係拒載啦，又濫收車資，即係黑的啦？！』」並即時拍攝司機的貌樣及車牌。雙方爭論一番後，司機憤然開車離去。女事主則報警舉報司機「惡行」。她怒斥，「呢啲咁嘅司機開大口，真係搞到個個唔係大旗唔接，又亂開遊客錢，正一XX嚟」。

有網民分析指，的士不按錶收費即違法，「自己call車啦，唔好搞咁多事」。有網民更直斥事主無知，「香港幾時有的士包車？講到底係你搵唔到人包車先着火。你要知本身呢樣係冇，係你哋兩個私下傾，根本唔存在濫收同拒載問題！」

網民有話說：

Sun Wong：我真係唔知的士有包車，仲要跟錶跳呢個玩法。

Calvin Ho：又係你話包人車，咁司機有權出價1000。你可以選擇唔理佢，又或者你出價都可以。唔啱咪走囉，使乜扯火啫！

Bread Bread：下次搵貨Van，好多app有表明包車時間同埋收費。

※緊貼網民熱話，掌握最熱話題，請關注網民熱話fb：