網民熱話：大埔屋邨驚見蛇入屋 難道是寵物走失？
20190325
東網電視
更多新聞短片
一條三索錦蛇日前闖入民居，有網民認為是走失的寵物。(互聯網)
見到有蛇入屋，你會點樣做？本月20日有網民在Facebook群組「Tai Po 大埔」貼文，指有一條來歷不明的蛇突然走進屋內，最終由蛇王趕至把牠捉走。網民對事件各有看法，有人大叫「得人驚」，亦有不少人認為蛇有機會是走失的寵物：「唔通有人養嘅？」
事發於大埔富善邨善景樓一低層單位內。從貼文者Cherry Wong上載的影片可見，一條三索錦蛇（又稱三索線）無故出現在單位內，爬到月曆上「吊吊揈」。未知牠是否感到環境陌生，頭部不停瑟縮，並躲到月曆後。不久，牠又突然爬向上方的電線管。最後有蛇王到場，拿着蛇鉗，「兩三下」手勢，便把蛇捉走。
貼文者謂：「冇啦啦有條蛇入咗屋，到依家都諗唔明蛇來自何方！有冇人試過？」她又坦言事件令人驚到手震兼胃痛，大呻有陰影，並謂最終要報警喚來蛇王處理：「蛇王話有機會有人養。」
網民看過事件，不少人驚嘆，並好奇公共屋邨為何會有蛇入屋，「諗住村屋先會發生啦，屋邨都有，真係好驚」，「無可能發生嘅嘢竟然發生咗。」又有人指蛇的體積細小，可能是有人養走散，「係咪鄰居走失㗎？似寵物蛇」，「可能係左右隔籬有人養走甩咗！」
亦有人「錯重點」，留言大讚蛇王捉蛇神速，淡定非常：「點解蛇王可以好似去玩夾公仔咁。夾完就行咗去...袋都唔諗住入。」有蛇王提醒，如大家在屋內發現有蛇，不宜自行處理，應盡快找專業人士幫忙。
網民有話說：
Yiu Fai Ching：每晚全家睡覺時，記得將廁所板蓋上，蛇蟲鼠蟻會由馬桶爬上來的
Dicky Cheung：養寵物即刻扣你分
Fong Ronald：攞支簫出嚟吹，條蛇咪聽你話囉
Alison Wong：住同一幢表示驚到即刻關哂屋企所有窗
※緊貼網民熱話，掌握最熱話題，請關注網民熱話fb：