網民熱話：野鴿匿花槽孵蛋　網民求解決辦法

常聽人言：「自來狗富，自來貓貧，自來雀好運。」不過，家中突如其來一個不速之客，確實會添煩惱。日前有網民在社交平台向網友求助，稱自己窗外冷氣機下花槽處，飛來了一隻野鴿，並在那裏孵蛋，不知如何處理。不少網民大表關注，並勸喻戶主忍耐。

昨日（28日）網民Leelee Law在Facebook群組「將軍澳」上載了兩張照片。其中一張可見一隻野鴿守在花槽的圍牆上，而花槽內的盆栽旁有兩顆鳥蛋；第二張相則見該隻野鴿正在孵蛋。Leelee顯得頗為心急，求助道：「白鴿喺屋企生咗蛋，仲要兩粒蛋蛋，日夜係咁孵，請問有冇人都係咁？點解決啊？」

然後有網民在文下分享自己經歷：「之前試過燕子喺露台起咗巢，生咗4隻蛋，睇住佢哋破蛋出世，出毛，學飛，跟住就走。由最初唔太鍾意佢哋，相處咗一段時間後，走咗反而掛住佢哋一家6口。」留言引來其他網民的羨慕：「我都好想有呢個奇妙嘅相遇」。

不少人勸發文者勿趕走野鴿，認為這是有福氣的象徵：「良禽擇木而棲，你家風水福地，宜積福積德」、「唔好趕，福氣嚟」。更有人為野鴿打氣：「鴿子媽媽要加油！」亦有人開玩笑稱：「煎雙蛋，講笑咋！好好保護小生命！」「一個字，等，之後就有乳鴿食。」不過亦有人同情發文者，認為野鴿會造成噪音問題：「屋企有白鴿會好嘈，特別係放假想瞓晏啲日子。」

網民有話說：

Tommy Mak：幸運鳥，由得佢。

Kafai Ngan：拎隻鑊煎熟佢！

Effy Chiu：生完大咗就會走，之前我屋企都係咁。

Louise Wai：好風水屋

※緊貼網民熱話，掌握最熱話題，請關注網民熱話fb：