一錯再錯！假日司機盲舂舂　見途人過路都照去？

大懵睇錯燈定唔識行？近日沙田有私家車離奇停在十字路口中心，其後疑看錯燈號，忽然衝向行人過路處，嚇窒一眾途人。

網民Wai Kit Cheng在Facebook群組「小心駕駛（討論別人駕駛態度）」發貼指，上周六（13日）上午11時許，有私家車在沙田水泉坳街正左轉入沙角街，惟司機疑發現行錯路，突然停在十字路口中心位置，猶豫不決。

未幾左轉燈號亮起，私家車「一錯再錯」，往水泉坳街方向直駛而去，把當時正橫過馬路的途人嚇至目瞪口呆。

發貼者直斥︰「（行人）綠燈嚟㗎師傅，X你老X」、「睇到都嬲，有家長拖住小朋友行緊出去，畀佢嚇到呆咗」。

不少網民批評司機「亂嚟」︰「睇住有人過馬路都照隊」、「一定要1823！遲早車死人」、「呢個位好多盲毛直出，見行人過仲砵」。

---------------

《港呢啲》：大事小事騎呢事，東網嚴謹選題，輕鬆製作！