每日一片：火紅P牌車逆線盲轉彎　網民狂鬧

馬路上，遇見「大頭蝦」司機，受驚事小，隨時發生意外，搞出人命。近日網民Wong Wesley在Fb的「盡在元朗<<元朗區交通>>群組」分享了一條車cam片。一輛火紅色私家車在元朗的一個彎位，疑逆線右轉，險迎面撞上拍片車輛，極為危險！

事發地點為元朗宏業東街與強業街交界，時間為前日（13日）中午12時許。拍片車輛停在強業街口，相信是在等待轉出宏業東街，豈料一輛鮮紅的P牌私家車，竟突然從宏業東街逆線右轉而至，險些與拍片車輛撞到正。拍片司機於事發後響按並大叫：「你有冇搞錯呀你！」稍遠處一輛貨VAN見狀，亦立即急停。

影片上載者留言謂：「你點考牌番嚟㗎！你呢個P牌差啲累死我呀！」網民看過影片後，紛促拍片司機「搵1823啦！」亦有人大呻：「元朗愈來愈多X街亂揸車。」有人則對拍片司機的冷靜反應感到佩服。