自己申請！「推車狂」步步進逼　寶馬現真身秒速褪軚

「沉住氣，最少保持2秒距離。」廣告都教落，行車要保持安全距離。惟近日有私家車在隧道內大玩推車，誰知意外遇上「隱形戰車」，笑爆網民。

從網上瘋傳的片段可見，星期一（15日）晚上約11時45分，有私家車在將軍澳隧道內突然加速，向前方的寶馬「步步進逼」。

不過該寶馬面對「威脅」仍淡定自如，施出一招「響警號」，亮出「隱形戰車」的臥底身份，即時嚇得私家車煞掣減速，乖乖拉離兩車的距離，不敢逾越。

網民紛紛笑言︰「冇啦啦見到聖光，嚇到即縮」、「唔賭唔知時運高，唔推唔知係差佬」、「見到呢款旅行車都唔識醒嘅，都要衝埋去」、「呢個情景好笑，好推唔推，推着個隱形戰車」。

---------------

《港呢啲》：大事小事騎呢事，東網嚴謹選題，輕鬆製作！