網民熱話:難忍內地團滋擾?高空擲刀誤中冷氣機

2019年04月16日 16:10
東網電視
更多新聞短片
有土瓜灣居民不堪內地團滋擾,疑飛刀落街發洩,但行徑就被網民狠批。(互聯網)

高空擲物後果嚴重,分分鐘害死人!昨日(15日)有網民在Facebook群組「To Kwa Wan 土瓜灣之友」貼文圖,指區內不時有內地團出沒,對居民造成滋擾,有樓上單位疑因此高空擲刀發洩,結果誤中下層冷氣機頂。事件令到一眾網民嘩然,擔心再次發生會無辜傷人,揚言要報警!

事件發生於土瓜灣偉恒昌新邨。從貼文者John Chin上載的照片可見,一把生果刀懷疑從樓上單位擲下,誤中事主的冷氣機頂,估計約有6至7層樓的高度。從照片所見,冷氣機「無穿無爛」,未見有損毀,相信是事主上幾層單位所擲下。貼文者直斥屋苑居民愈來愈黐線,當樓下內地團一出,樓上扔刀。他謂:「蠱惑的刀,我個冷氣機頂咗嘢。」

有街坊看過事件,指明白住宅居民感受,怒斥內地團為當區帶來滋擾,「佢哋實在十分滋擾十分討厭。每個人都嘈吵不堪。」不過,亦有人認為高空擲刀危險,認為需要報警,「如果樓上再掟,咁啱你屋企人喺樓下就大鑊啦!」惟事主表示:「如果再掟先啦,爆咗出嚟咪累晒我上面幾層。」不過網民反斥,如不報警,將來有可能「搞出人命」。

網民有話說:
Cindy Chiu:我成日路過㗎,咪殃及池魚!
Michael Chan:佢嘅感受,我好理解,佢嘅衝動,值得原諒,佢嘅不幸,大家都感同身受。
Joe Yau Chuen:報警啦 插中你屋企人點算?

※緊貼網民熱話,掌握最熱話題,請關注網民熱話fb: 
http://on.fb.me/1L3m1ro