心盲無明!九巴屋宇署廉署齊抽水 勸勿安心犯法

2019年04月17日 11:31
東網電視
更多新聞短片
全城齊抽水!

每逢本港有大事件,一眾公關都藉機抽水。最近連屋宇署、廉政公署、九巴都「貼地」玩埋一份,提醒大眾不要心存僥倖,做錯事總會有人發現。

九巴星期二(16日)在其Facebook專頁上載一張插圖,畫出在黑暗的九巴車廂中,有2隻分別戴帽及口罩的老鼠依偎偷食,提醒公眾巴士車廂已裝設閉路電視,「偷偷哋食嘢一樣會被發現,到時被人瘋傳就唔好,另一半見到點算好呢」。

廉政公署轄下的Facebook專頁「全城‧傳誠」亦勸喻公眾勿因一時貪念而行差踏錯︰「人太貪婪心盲無明」、「貪念是一條大坑,會坑掉人的喔」,因為即使做足保密工夫亦不能「安心」犯法,「數碼足迹、天眼到處都係,要搵貪污證據,其實唔難」。

屋宇署晚上亦趁機宣傳樓宇安全問題,藉一棟「壞咗嘅樓」,道出樓宇失修是「不可能被原諒的錯事」,要「給予時間和空間去進行維修及重新出發」,才能使大家「住得安心」。

網民戲言︰「香港水塘已被抽乾」、「抽到乾過沙漠」、「你又抽佢又抽,大家一齊抽」。惟有部分人批評︰「做好自己本分先啦,咁得閒喺度抽水」、「宣傳有好多方法,真的要將快樂建築在別人痛苦身上嗎?作為公營機構,帶頭罔顧受害人感受,形同欺凌」。
---------------
《港呢啲》:大事小事騎呢事,東網嚴謹選題,輕鬆製作!