惡媽暗施報復 事後得戚教「秘技」︰咁搣冇人知

2019年04月18日 17:37
東網電視
更多新聞短片
點解可以咁狠心?

所謂「己所不欲,勿施於人」。惟近日有惡媽眼見愛女被小朋友弄哭,竟狠心還手,更得戚地揚言要教其他媽媽如何在不被人發現的情況下,「教訓」小朋友。

有女網民投稿至Facebook專頁「生仔要考牌系列」,指有日在遊樂場見到有港媽帶同女兒玩耍。未幾,有一名約2歲的女童突然走近,「好肉緊咁拍佢個女」。

該港媽見狀即大聲喝止,但女童其後又再捉緊她女兒的手,「佢個女喊住推開個妹妹。」該港媽遂上前把女童抱走,未料女童卻忽然嚎啕大哭。

女網民上前了解,只聽得港媽怒氣沖沖地斥謂︰「X!整喊我BB呀,我咪搣X佢!我搣X佢個身,冇人睇到㗎!唔知佢老母死咗去邊,又唔睇X住個乞兒女」。

她辯稱「搣」女童只為保護孩子,更教女網民應教育孩子被打要還手︰「我教你點搣啲小朋友冇咁易畀人知啦」。

女網民大感震驚︰「點解可以咁陰濕,其實佢個女都3歲,咪又係咬人打人,呢個女人好恐怖」。不少網民直斥︰「好一個身教」、「X街唔識教就咪X生啦!得佢個女係人,人哋嘅小朋友就唔係人嚟嘅」。
---------------
《港呢啲》:大事小事騎呢事,東網嚴謹選題,輕鬆製作!