網民熱話:食叉燒飯險吞鐵針 事主嘆食飯都要搵命博

2019年04月25日 09:30
東網電視
更多新聞短片
網民分享險吞鐵針的恐怖經歷,引起熱議。(互聯網)

燒味飯是不少港人的午飯首選,惟大快朵頤時亦不能掉以輕心!昨日(24日)有人食用叉燒飯時,發現叉燒上有不明針狀物體。拔出細看,竟與針筒上的針頭十分相似,令食客不寒而慄,直斥:「食個叉燒飯都要搵命博?」

網民Andy Poo 在 Facebook 群組「Fanling 粉嶺」上分享恐怖經歷,指食叉燒飯時食出異物,其外露部分十分尖銳,他以手指輕觸,竟發現是一根長度約姆指頭的針。他留言直斥燒味店收買人命:「咁長嘅針都發現唔到,好彩我望到唔對路,拿手指摸落去。」他續稱,異物的材質是鐵,回想自己差點誤食「鐵針」,不禁高呼:「唔係講笑,謀殺呀依家?」

有網民根據相片內的「鐵針」外型和大小,推測其「本體」應是針筒的「針頭」,不禁質疑源頭來自供應商:「係咪幫啲豬打針嗰陣漏低?」「應該係隻豬仲在生嘅時候,打激素之類嘅針筒頭。」有網民擔心食安問題,建議事主向食環署反映事件,「報食環,人命攸關」、「報食環處理,取回公道!」

東網致電有關食店查詢,職員表示不知道有鐵針事件,「無啦啦點會有支針呢」,又反問「點解佢(食客)有問題都冇返嚟講嘅?」至於會否是貨源問題,她則表示「真係唔知道」,以前亦未曾發生類似事件。

網民有話說

Poon NY:咁離譜!
Maurice Kan:報食環啦!
Ray Tsang:唔少酒樓/燒味舖都係攞貨賣,唔好講到佢有心放落去咁。

※緊貼網民熱話,掌握最熱話題,請關注網民熱話fb: 
http://on.fb.me/1L3m1ro