劇透狂出沒 街頭隨機爆劇情 網民︰捉佢出嚟打

2019年04月25日 12:34
東網電視
更多新聞短片
呢排好似係敏感時期?

日防夜防,劇透難防?近日有網民外出時,突然收到陌生人利用AirDrop(無線傳輸功能)劇透最新電影內容,有人直言要捉劇透者「出嚟打」。

電影《復仇者聯盟4︰終局之戰》於周三(24日)上映,惟網民Zed Lee在Facebook群組「小心駕駛(討論別人駕駛態度)」指,當日在茶餐廳用膳時,「有人無端端AirDrop我成篇關於Avengers 4整個劇情」。

傳送者以「XXX咗」為題,將整套電影的劇情重點以文字逐點列出,製成相片,再以AirDrop形式隨機傳送給附近的陌生人。由於AirDrop有預覽功能,無論接收者是否接受分享,都會得知劇情內容。他慶幸當時已觀看電影,故未受影響。

另外,網上亦瘋傳一張男子頭部受傷的相片。有指該男子疑因在戲院門口劇透,結果遭人襲擊。相中可見,男子坐於地上,一地鮮血,有途人幫忙包紮傷口。

不少網友怒斥劇透者:「捉佢出嚟打啦呢啲契弟,唔使原諒」、「今朝同兩個朋友睇早場,佢兩個食晏嗰時無喇喇大聲嗌個結局出嚟。我即刻離佢哋幾呎遠,費事畀人打埋一份」、「出街要熄AirDrop啦」。
---------------
《港呢啲》:大事小事騎呢事,東網嚴謹選題,輕鬆製作!