政Whats噏:黃偉傑「升呢」做荃灣區會主席

20190425
東網電視
更多新聞短片
黃偉傑「升呢」做荃灣區議會主席。(受訪者提供)
隨着早前27個鄉事委員會改選,因應荃灣鄉事委員會前主席鍾偉平退下火線,其荃灣區議會當然議席亦已換人,而佢身兼嘅區議會主席一職喺今日(25日)進行選舉,本身係副主席嘅黃偉傑喺冇對手下自動當選,「升呢」做主席。至於副主席嘅空缺則於5月才進行選舉,據悉,身兼馬灣鄉事委員會主席嘅當然議員陳崇業大熱。
其實,荃灣區議會主席選舉只收到黃偉傑一份提名表格,由身兼立法會議員嘅陳恒鑌提名,附議人包括身兼立法會議員嘅田北辰同區議員葛兆源。由於冇對手競爭,由黃偉傑自動當選,整個選舉過程兩分鐘完成。
早喺舊年年底,鍾偉平就承認退休,唔參加選咗10幾年海壩(和宜合道及國瑞道)原居民村代表,而鄉委會主席一職早前亦由邱錦平接任。其實鍾偉平亦睇好黃偉傑可勝任區議會主席,而鍾今日亦以公眾人士身份返區議會睇選主席,而喺選舉後仲同新主席黃偉傑及一眾舊同僚一齊影合照添!