博出位？外籍男硬開車門　拍片女友讚︰變形俠醫

自私定有型？近日有外籍男強行拉開已關閉的港鐵車門，並拍片上傳到社交平台，惹來一眾網民大派嬲嬲。

片段星期三（1日）於網上瘋傳，只見當時有港鐵列車正在關門，有外籍男子突然急奔至車門前，先用力拉開月台幕門，再將已緊閉的列車車門強行扯開，與拍攝的同行友人一起步入車廂。車廂內的乘客均睇到目瞪口呆。

片主在貼文中用英文大讚︰「發現變形俠醫！這是我的男朋友」。惟網民紛紛怒斥黐線︰「博出名，依家啲人為咗拍片呃like，真係咩都做得出」、「阻住成車人仲以為自己好X型」、「列車故障延誤搵佢計數」！

根據《香港鐵路附例》，任何人不得在列車車門開始關閉後進入或離開列車，亦不得干擾鐵路處所內的任何門或閘，包括任何列車車門及月台幕門。一經定罪，可被罰款2000港元。

---------------

《港呢啲》：大事小事騎呢事，東網嚴謹選題，輕鬆製作！