港女搭輕鐵唔讓位 反嫌嬰兒車硬攝︰太逼了

2019年05月15日 08:15
東網電視
更多新聞短片
到底邊個唔啱呢?

輕鐵的多用途空間供輪椅使用者、攜帶嬰兒車或行李的乘客優先使用。惟近日有港女站在多用途空間,反嫌嬰兒車過分擠迫,惹來不少網民批評。

有輕鐵乘客投稿至Facebook專頁「生仔要考牌系列」,指有一日她站在車廂內的多用途空間,遇到有父母推着一部空的嬰兒車,往她的方向「直剷」。

她見旁邊尚有空間便沒有讓位,誰料該對父母向她「眼超超」。她嘆指︰「我個位逼到不得了」,又指另一邊有較為寬闊的位置︰「佢都無意欲去拉開少少(嬰兒車),最尾我頂唔順太逼,行走了」。

網民紛紛反斥她無腦︰「本來個位就係畀人擺車,你企咗人個位,有人要用又唔自動彈開,冇剷你算好客氣啦」、「醒目嘅,就唔企入去啦,自己攞架嚟丟」、「既然仲有其他位,你點解係要同BB車爭」。

有人則認為兩邊亦有不對︰「BB車冇載BB嘅,咁就唔該讓開少少,畀番啲位人企啦」、「有良心嘅都應該摺好BB車,再抱住個B上車」、「個阿媽眼超超望住人,即係態度都唔好」。
---------------
《港呢啲》:大事小事騎呢事,東網嚴謹選題,輕鬆製作!