網民熱話:上水捉棋黨企圖呃阿伯 正義市民出手相助

2019年05月15日 13:30
東網電視
更多新聞短片
有網民目擊捉棋黨企圖呃伯伯,無懼對方恐嚇出手阻止。(互聯網)

以擺象棋殘局「搵食」的「捉棋黨」近年在本港不同地方出沒,受騙人士更以長者為主。日前有網民在上水目擊一群「捉棋黨」以一名伯伯為目標,更帶他到銀行撳錢,網民擔心伯伯受騙,出言阻止,期間一度遭對方恐嚇。網民事後在社交平台發布貼文,呼籲街坊不要對這種事情視若無睹。

昨日(14日)下午6時左右,網民Alex Lee在Facebook群組「North District 北區」上載了兩張照片,並發布長文講述事情經過。「返工喺屋企樓下往上水火車站天橋,有個公公被『專才』搭雞棚捉棋黨天仙局屈,仲夾佢去銀行撳兩萬出來。」Alex見此感到不妥便出聲制止,並且拿出手機拍攝,期間捉棋黨其中一名身穿白衫男子竟出言恐嚇:「唔好多事,做乜攞電話出嚟影相」,更作勢要攻擊他,但Alex直言,「睇住個公公入天仙局,同埋作為香港人,冇理由畀佢哋食住上...之後我大聲喝佢哋...最後佢哋身有屎落荒而逃」。

Alex在文中表示,自己一早知道出手相助會有甚麼後果,但不願看到有人上當受騙。他又謂,考慮很久才決定發文分享事件,更呼籲其他街坊要齊心:「我好想多啲街坊齊心,其實上水多咗好多呢啲『專才』」。

不少網民對Alex的行為表示讚賞:「見義勇為,香港有救!」「樓主好波!有正義感!」「多謝你正義行為,well done!」有人表示經常看到這些騙錢黨:「街市對出大把呢啲『專才』」、「今朝已見到佢哋在上水中心對出天橋設局」。不過亦有人認為Alex的行為可能為自己招致危險:「小心畀人伏,啲劣質人乜都夠膽死」。

網民有話說:

Him Hui:香港人多謝你
翁柏熙:夠膽死問做乜影相呀?咁你做乜喺度擺天仙局呃人錢呀!
Moonly Chan:見義勇為,香港有救

※緊貼網民熱話,掌握最熱話題,請關注網民熱話fb:
http://on.fb.me/1L3m1ro