每日一片:墮停車場陷阱車身拉花 司機激動怒吼

2019年05月15日 14:11
東網電視
更多新聞短片
7人車在狹窄彎位被攝住,相信車身已嚴重刮花。(Facebook群組「小心駕駛(討論別人駕駛態度)」影片截圖

香港地不止路窄,有時停車場亦十分慳位,行駛或泊車時,亦要就住就住,一不小心,車身隨時慘變「花面貓」。近日有車Cam就拍到,一架7人車在一個停車場的狹窄旋轉型斜路上,兩度陷入進退兩難局面,最終車身慘遭「拉花」才能脫困。

現場是秀茂坪一個停車場,片段由一架準備離開停車場的電單車車Cam所拍。片段開始不久,便見一架7人車在斜路彎位進退不得,其右邊車身幾乎零距離貼近石壆,司機嘗試前後移位,摩擦聲刺耳。在多番努力下,終可離開。

不過當7人車向前行駛數十米,又遇到另一個彎位,結果不幸事重演,在與石壆摩擦一番後,雖然終可離開,惟司機可能對車身被刮花顯得相當憤怒,在車上怒吼一輪後,抵達閘口時,又再落車向職員大罵。

不少網民理解現場環境惡劣,替7人車司機肉赤,「呢個場係難落嘅!」不過有人認為司機技不如人,沒有必要發脾氣,「都冇偷位,搞到自己過彎愈行愈窄,實撞板」、「躁狂都攞到車牌...」、「唉!揸唔掂就泊街啦!」