港女帶杯買飲品　要求店員代清洗︰為環保做多步

顧客就是上帝？近日有餐廳店員發現食客的自攜杯尚有其他飲料，善意提醒後卻反被要求幫忙洗杯，直斥食客無理。

有餐廳店員向Facebook群組「西客之道 Hispitality Secret」投稿指，他工作的餐廳是歡迎顧客使用自攜杯，惟有日有食客帶同自攜杯購買外賣凍飲時，他發現杯內尚餘小量咖啡，「擺明係飲完冇洗，直接咁畀我哋」。他於是建議食客改用紙杯或先自行洗淨。

不料食客聞言發難，怒斥要投訴：「你哋唔識幫我洗㗎咩？又話支持環保，又唔肯做多幾步？」他為免麻煩，只好屈服，把自攜杯清洗乾淨。

不少網民批評食客：「自備杯唔洗就唔應該要人裝落去，肚痛又賴人」、「唔可能幫佢洗杯！客人堅持咪就咁入落去，我理X得你隻杯污糟」、「扮睇唔到，直接倒落去仲環保」。

---------------

《港呢啲》：大事小事騎呢事，東網嚴謹選題，輕鬆製作！