網民熱話:細路快餐店喪玩陀螺 阿媽開心影相懶理

2019年05月22日 13:05
東網電視
更多新聞短片
小朋友在快餐店內大玩大叫,同行阿媽卻視若無睹。(互聯網)

公眾場所注意自己言行,避免對他人造成影響是一種尊重。有網民在社交媒體發文,譴責一個阿媽帶住小朋友在連鎖快餐店玩耍,全程罔顧小朋友對其他食客造成的滋擾,還很開心地幫忙拍照。

今日(22日)早上8時,Facebook專頁「生仔要考牌系列」發布了網民Vivi的投稿。據Vivi所述,當日她在長沙灣一間連鎖快餐店進餐,一名相信是媽媽的女子帶了幾個小朋友進來,並且坐在她後面:「然後就聽到啲𡃁仔喺度尖叫喇。擰轉面一睇,原來幾個細路拎晒啲車同陀螺出嚟玩,然後幾百分貝嘅尖叫聲就不絕於耳。」Vivi怒斥:「佢哋乜嘢都無幫襯!無買嘢食無買嘢飲...不過其實講真,即使你有幫襯到,都唔代表可以容許啲小朋友喺個餐廳度玩到咁樣騷擾其他客人。」

正當Vivi想提醒小朋友阿媽的時候,卻發現該名阿媽十分享受地拿着電話幫小朋友拍照,「我就知佢根本唔會覺得自己有問題。其實教識小朋友喺適當嘅場合做適當嘅嘢,都係一門重要嘅禮儀。」Vivi最後在文末稱:「餐廳係用嚟食飯嘅(地方),唔係人哋打開門口做生意,你就霸人哋一張枱嚟玩玩具。再講,其實附近有幾個公園。」

其後,有網民回應Vivi稱:「因為有冷氣,外面冇。外面有蚊」。但有人則質疑Vivi不當面提點而是選擇放上網公審,「樓主你快啲同我講,究竟你唔即場鬧爆佢,選擇影相放上網取暖係有何用處?」

網民有話說:

Chris Cheung:有爺生冇乸教

John Lung:真係唔明啲香港細路點解咁鬼鍾意尖叫,更加唔明啲無牌父母咁鬼享受呢啲高分貝環境

Terence S. Wong:幾百分貝應該聲壓大到人都死,人耳只要140dB就會有聽損,樓主聽完幾百分貝仲出到post,簡直係醫學大發現

※緊貼網民熱話,掌握最熱話題,請關注網民熱話fb:
http://on.fb.me/1L3m1ro