網民熱話:疑濫用長者八達通搭巴士 恤衫男當場斷正

2019年05月24日 15:05
東網電視
更多新聞短片
有網民在網上公審一名疑濫用長者八達通的男子,獲網民激讚。(互聯網)

政府推出長者及合資格殘疾人士公共交通票價優惠計劃,是讓合資格人士能以「兩蚊」的優惠票價乘搭公共交通工具。但是自計劃推出後,卻被不少人濫用。有網民在社交平台公審一名疑使用長者八達通搭巴士的年輕男子,獲得其他網民的支持。

網民Ken Wong昨日(23日)在Facebook群組「巴士的事討論區」上載了一張照片。照片中一名穿白色恤衫的年輕男子,坐在巴士上層近樓梯口的通道座位上,低頭玩手機。Ken留言指,有人「博懵」用長者八達通搭巴士:「呢條友醒呀!用長者八達通搭巴士,畀司機叫佢畀返差價或正價,佢話唔好意思,我銀包兩張八達通,我落去入番。」網民忍不住嘲諷該男子:「過到骨就$2搭車,過唔到就畀返差價,好嘢!有贏冇輸」。

不少網民對白衫男的行為感到憤怒:「涉嫌欺詐車資,可以拉得」、「司機可以報警喎」、「樓主你唔報去九巴,就畀啲資料我,我去報喇,呢啲事唔可以咁不了了之㗎」。有人亦分享遇過同類事件,投訴後卻不獲正視:「有段時間見到個40幾歲女人日日用長者八達通搭車,有時司機望住部機,佢就會轉番成人八達通,有日見佢再用長者八達通,就向司機投訴,但換嚟司機一句話佢見唔到。」不過亦網民質疑發文者未有拍得整個過程,不排除是「看圖作文」。

網民有話說:

Chak Mans:九巴冇損失,仲袋多咗錢添,長者卡係畀咗兩蚊,但係九巴收政府全數,跟住條友又再入番差價

Ka Fai Chen:正人渣,仲要用納稅人啲錢幫佢補貼,可恥。

黃偉志:都有一張長者八達通,我都用咗三年,一樣冇事,哈哈哈哈哈哈哈哈

羅淦輝:報警,又或者通知站長

※緊貼網民熱話,掌握最熱話題,請關注網民熱話fb:
http://on.fb.me/1L3m1ro