大媽擋門等朋友　車長勸落車反被罵「咩態度」

乘客永遠是對的？近日有大媽衝上巴士，堵在車門前疑等待同行朋友，被車長趕落車反發火直斥︰「你咩態度呀」。

據Facebook群組「巴士的事討論區」的片段可見，星期日（26日）下午約3時，有大媽趁巴士埋站期間衝上車，擋在車門前與友人對話。車長見狀直呼︰「落番車啦！你等人嘛，架車要開呀小姐」。

惟她聞言頓時火起︰「咩事呀？咩叫落番車呀？」她更反指車長態度欠佳︰「咁你可以問一問呀嘛，唔係一句叫我落番車嘛」。

不少網民怒斥大媽自私︰「面皮真厚，我喺現場，一定爆佢」、「閂門走啦，仲同佢講咁多廢話」、「拖延時間等人好自私，仲要成車人陪佢等」、「講咗咁耐佢啲朋友都未到，擺明特登搞事拖時間，等佢啲朋友嚟上車啦」。

---------------

《港呢啲》：大事小事騎呢事，東網嚴謹選題，輕鬆製作！