逃犯條例:示威衝突礙營業 小商戶嘆生意額減半

2019年06月14日 12:52
東網電視
更多新聞短片
示威衝突阻礙小商戶營業。

周三(12日)的修訂《逃犯條例》示威衝突令金鐘一帶交通癱瘓,政總及立法會一帶小商戶首當其衝。在海富中心經營電子零件器材店10多年的凌先生指生意大受影響,生意額減少逾半,「平時嚟開嘅客唔敢嚟,怕咗個場。」他指,因應下周日及周一(16及17日)再有遊行集會,已預備當天不會開門做生意,「通知咗管理處幫手睇住,做好啲保安,驚亂嗰時有啲不良分子乘機搶嘢」,又擔心修例爭議會拖延長時間,「希望唔好好似上次咁拖79日。」

在海富中心一間花店任職的店員黃小姐同樣大嘆生意慘淡,「直頭無生意,出貨出唔到,要送貨冇人收,咁可以點?咪撻訂囉!」她指出,周三爆發衝突時大批示威者在商場內休息,「嗰時佔中冇走上嚟,你哋示威暴動唔緊要,唔影響到人哋飯碗咪冇問題囉!」

外賣快餐店店主袁先生就指,周三衝突當日生意影響不太大,反而是昨日(13日)港鐵金鐘站停開大半日,附近辦公大樓不少白領未有上班,生意額大跌超過一半,形容損失慘重,「我哋蚊型鋪頭仔,都係靠寫字樓生意。」他表示,該店下周一會如常營業,認為遊行集會即使帶來人流,但大多只光顧連鎖快餐店,對其店舖未有幫助。