野餐新選擇？奇女子坐路壆　食嘢定食塵？

隱世野餐地點？近日葵涌有兩名外籍女子在馬路中心「野餐」，惹來網民慨嘆：「香港地真係無處容身？」

有網民於周二（18日）在Facebook群組「的士司機資訊網 Taxi」上載照片，只見在葵涌道近荔景邨巴士站對出的路口處，有兩名女子在該處鋪上膠墊席地而坐，一旁有不少飲品，疑似「開餐」。

有網民揶揄謂：「個位置食塵㗎喎」、「搵日入大欖隧道BBQ啦」、「啱啱經過以為巴士撞親佢哋」。

---------------

《港呢啲》：大事小事騎呢事，東網嚴謹選題，輕鬆製作！