青年「音波功」震巴士　嚇到全車乘客要轉車？

東網電視

呢度唔係K房喎！

歌聲成噪音，嚇到人走夾唔抖？近日有青年疑在巴士高歌，造成滋擾，嚇到其他乘客中途轉車「避難」？

在巴士乘客將相片上載至Facebook群組「Tai Po 大埔」，指星期三（26日）上午約11時，他乘搭巴士前往大埔期間，有男乘客在上層大聲高歌，他坦言︰「唱歌冇問題，但要合適環境，佢唱到成車人投訴」。

當時上層受影響的乘客紛紛轉落下層，惟下層滿座，有人向車長提出轉車，「一有人帶頭向司機反映，自然有其他人和應，咪搞到轉車」。

最終該輛巴士在彩虹邨紅蕚樓站停下，車長與乘客站在路旁等候轉車，而戴耳機的青年則獨自坐到下層車廂內。

不少網民大感詫異︰「唱歌唱到要轉車」、「點解唔直接叫司機趕佢落車」、「想幫成車人洗腦」、「技安上身」、「要用隨意門轉車」、「一於唔落車，同佢鬥唱歌」。

九巴回應查詢指，當日約11時，一輛74X線巴士在前往大埔途中，車長接獲乘客投訴指車上一名乘客大聲唱歌。根據《乘客須知》，清楚列明請勿在車內作出令其他乘客感到煩擾的行為，例如高聲談話。九巴呼籲乘客應為他人設想。

---------------

《港呢啲》：大事小事騎呢事，東網嚴謹選題，輕鬆製作！

on.cc東網