休班警長非禮案　事主遭質疑周圍有警察何不呼救

休班警署警長涉嫌於去年在奧卑利街已婚警察宿舍一個單位非禮一名女子，43歲被告黃家傑否認一項非禮罪及一項遊蕩罪，案件今(27日)於東區法院審理。辯方律師開始盤問女事主X，質疑她在被告家中遭被告摸臀2次已感不滿，甚至覺得「驚到要死」，但為何沒有想辦法離開。X強調她當時一直想走，想過打電話報警，但擔心給被告知道會更危險。

辯方不禁追問：「你當時身處警察宿舍喎，左右隔離都係警察啦，你一大叫就有警察嚟幫你啦」，但X反指：「咁被告夠係警察咯，咁佢又摸我？」

律師再質疑，當時被告沒限制她的行動，她大可借故到廁所報警，但X表示：「我冇諗過喎，我都冇喺電視睇過呢個方法，我自己就唔會諗到。」

X解釋，當時她擔心有任何動作，或會挑起被告情緒：「心理測驗話我如果畀人強姦，我會自殺㗎，我唔可以畀自己去到嗰個地步」，但律師反駁：「你乜都唔做，佢都可強姦你㗎」，質疑事主為何不想辦法離開，甚至之後還讓被告給她按摩。