上手小巴飛站　西裝男落車拒付錢︰我等咗15分鐘

飛站就可搭霸王車？近日有男乘客因不滿上一班小巴飛站，乘搭下班車時拒絕付款，更對司機怒斥︰「咁我等咗15分鐘點呀」？

有乘客在網上發文講述事件，指星期三（26日）下午約3時15分，他乘搭開往半山區寶雲道的專線小巴期間，有男乘客抵達寶雲山莊後，「未付車資強行落車…理由是上一班車飛站」。司機隨即落車追上，雙方就車資問題發生爭執。

從影片所見，司機氣憤地斥謂︰「你坐車你就要畀錢，你坐我車就要畀錢」。該西裝男乘客則一臉淡定，直指︰「咁我等咗15分鐘點呀？點解要飛車呀？你畀你老細電話我」。

司機無奈反斥︰「你如果要投訴，你打電話去運輸署，香港政府係畀你投訴嘅…我都唔知你前面嗰架係咩車！」最終他報警求助。

不少網民批評︰「坐車就要付車資，真係咩人都有」、「上班車飛站關呢班車乜事？」、「你停喺度都唔止15分鐘啦」、「斯文敗類」。

---------------

《港呢啲》：大事小事騎呢事，東網嚴謹選題，輕鬆製作！