政Whats噏:陳沛然想當年放榜經歷 網友話依家冇人識AL

2019年07月12日 01:00
東網電視
更多新聞短片
陳沛然話回想起當年放榜都打顫。

日前DSE放榜,好多考生都緊張,亦有唔少政商界名人為學生打氣,而立法會醫學界議員陳沛然(Pierre)就回想起當年AL(高級程度會考)放榜嘅經歷,有網友就心水清,斬釘截鐵咁話「依家佢哋已經考完DSE,年輕人唔知道咩係AL喇!」真係夠啜核!

Pierre喺Facebook貼文,回想起那些年,AL放榜嗰日,佢遲遲都唔出門口返學,唔敢返學校攞成績單,放榜嘅壓力係超級大嘅,而喺依家想起身體都喺度顫抖。因為咁,所以感同身受,因為佢試過,亦都明白。咁作為家長點做呢?佢就話畀年輕人多一啲空間,少說話,多聆聽,陪伴着就得嘞!

勢估唔到,隔咗咁多年,佢仲有咁深嘅感受,而佢啲網友亦有同感,話當時徹夜未眠,亦有網友話攞AL成績時,心情有點不安,但因為佢嘅成績較為極端,但回頭看,都係小事罷了。

之不過,佢哋講咗咁多有關AL放榜嘅心情,有幾多年輕人會感同身受?有網友就留言「依家佢哋已經考完DSE,年輕人唔知道咩係AL喇」。年輕人都唔知AL係乜,咁又點會體會到佢哋嘅感受吖!