的士旺角與7人車碰撞後「打保齡」　撼低19輛電單車

今日(13日)凌晨3時58分，一輛的士沿旺角上海街快線往油麻地方向行駛，至豉油街交界，疑切入中線時，與一輛7人車發生碰撞，的士繼而失控衝前約20米，剷向行人路，撼撞一列停泊路旁車位的電單車始停下，合共19輛電單車恍如骨牌般連環被掃冧，幸事件中7人車姓楊(51歲)男司機及其妻兒，一家三口俱無恙，姓麥(32歲)的哥亦無受傷，在場協助警方調查意外經過。

據的哥表示，他駕駛的士搵食約一年多，本身駕駛私家車已4年，對是次意外亦大感無奈。

今早9時，被掃毀電單車的司機陸續到場了解，並取來相機拍攝損毀情況。有女司機表示：「估唔到架車被撞到爛晒」，由於車價10多萬港元，損失慘重，維修費未能估計。另外，有從事外送速遞工作的電單車司機表示，凌晨已接獲警方的通知，但「無諗過咁大鑊」，才無即時到場察看，由於車頭「凹晒」，相信「用唔到」。該司機續稱，他有兩部鐵騎，另一部車價逾10萬港元，幸好昨晚未有將該車停泊上址，否則損失更加嚴重。